ස්තී දුෂකයන්ට එරෙහිව අංගම් පොර

ස්තී දුෂකයන්ට එරෙහිව අංගම් පොර
ම්ලේච්ඡු ලෝකයක නොමිනිසුන් නිසා පසුගිය කාල වකවානුවේම අප රටේත්, අසල්වැසි ඉන්දියාවේත් ¥වරුන් කිහිපදෙනෙක්ම මෙලොවින් සමුගෙන හමාරය. ඔබේ මවද, බිරිඳද, සහෝදරියද තවත් කතුන් රැුසක්ද එදිනෙදා ලොව පුරා තිරිසනුන්වන් මිනිසුන් නිසා දුක් ගැහැටවලට පත්වෙති. එලෙසින් කාන්තාවකට තනිව ?පානේ පමණක්ම නොව මහ දවාලේද පාරට බැස ගමනක් යා නොහැකි ලොවක් ඔබ අප ඉදිරියේ මැවී අවසන්ය.
එනිසාම කුරිරු ලොවක නොනවතින අමානුෂිකත්වය, ම්ලේච්ඡුත්වය හමුවේ කාන්තා ආත්මාරක්ෂාව උදෙසා කුමක් කළ යුතු දැයි බොහෝ දෙනා ප‍්‍රශ්න කරමින් සිටිති.
බොහෝ දෙනා එලෙසින් ප‍්‍රශ්න කරමින් සිටිනා අතරතුරෙහි කාන්තා අතවරයන් පිටුදැකීමේ මූලාරම්භයක් ලෙසින් කාන්තාවන් මානසිකව මෙන්ම කායිකව සවිමත් කිරීමට තවත් පිරිසක් වෑයම් කරමින් සිටියි. ඔවුන් නමින් ශ‍්‍රී ලංකා පාරම්පරික දේශීය සටන් කලා සංගමයයි. ඔවුන් විසින් දේශීය සටන් කලාව ඇසුරෙන් කාන්තා ආත්මාරක්ෂක සටන් හා උපක‍්‍රම කාන්තාවන් වෙතට නොමිලේම ලබාදීමේ කටයුත්ත මේ වනවිටත් අරඹා හමාරය.
මෙලෙසින් දේශීය සටන් කලාව ගැන කතාබහක් ඇතිවුවද දේශීය සටන් කලාව හා කාන්තාව ගැන නිතර නිතර එළිපෙහෙළියේ පෙනීමක් හෝ කතාබහක් මෑතකාලීනව අප සමාජයේ පෙනෙන්නට නොවීය. එහෙත් දේශීය සටන් කලාව කතුන්ට මුලසිටම අකැප නොවූ අතර එහි කෙළ පැමිණි සටන්කාරියක් පිළිබඳ අපූරු කතා පුවතක් නුවර යුගයෙන් අසන්නට ලැබේ.
නුවර යුගයේ අංගම්පොර සඳහා ප‍්‍රචලිත වූ මුල් ගුරු කුල දෙකක් වූ සුදලිය හා මරුවල්ලිය ගුරුකුලවල ගුරුවරුන් අතර ඌරා ළිඳේ අංගම් කෙටීමේ තියුණු සටනක් ඇතිව තිබේ. සටනේදී සුදලිය ගුරු වංචනික ලෙසින් දිවි දතක් යොදාගත් නිසා මරුවල්ලියේ ගුරු සටනින් පරාජයවී මරණාසන්න වී තිබේ. මරණාසන්න වූ මරුවල්ලියේ මුහන්දිරම් තම ගැබිනි බිරිඳට උපදින දරුවාට සටන් ශාස්ත‍්‍රය උගන්වන ලෙස ඉල්ලා අවසන් හුස්ම හෙළීය. එහෙත් සටන් ශාස්ත‍්‍රය දෙන්නට පිරිමි දරුවකු උපදින තෙක් මඟ බලා සිටියද උපන්නේ ගැහැනු දරුවෙකි. එහෙත් මරුවල්ලිය මුහන්දිරම්ගේ අවසන් පැතුම් ඉටුකරනු වස් ඇයගේ මාමා කෙනෙකු ඇයව කේරළයට රැුගෙන ගොස් සටන් කලාව ඉගැන්වීය. එහිදී අංගම් සටනෙන් කෙළ පැමිණි ඈ පිරිමියකු සේ ලංකාවට පැමිණෙන්නේ තම පියාගේ මරණයේ පළිය ගැනීමේ චේතනාවෙනි. අවසානයේ සුදලිය ගුරු ඌරා ළිඳේ අංගම් කෙටීමෙන් පරාජය කර මරණය තෙක් හරවා යවන ඇය පසුව දෙවැනි රාජසිංහ රජු හමුවේ සිය අනන්‍යතාව අතීත කතාව හෙළිකරමින් සිටියාය. සියුමැලි තරුණියකගේ සටන් විලාසයෙන් සිත් පහන්වූ රජු ඇය කෑගල්ල ඒදඬුවාව දිසාවේ දිසාපතිනිය ලෙස පත් කළේ ඇයට නිසි ගෞරවයක්ද ලබාදෙමිනි. එලෙසින් ලක් ඉතිහාසයේ මුල්ම කාන්තා දිසාපතිනිය ලෙස ඇය අබිසෙස් ලද අතර රාජාඥාව ලබා ඇතා පිට කකුල් දෙපසට දමා ගමන්ගත් ප‍්‍රථම කාන්තාව ලෙසින්ද අබිසෙස් ලැබුවාය. ලක් ඉතිහාසයේ ඒදඬුවාව පුංචි මැණිකේ ලෙසින් හඳුන්වන්නේ ඇයයි.
එලෙසින් නුවර යුගයේ අංගම් සටන් කලාවේ කෙළ පැමිණි සටන්කාරියන් සිටියත් ඉන් ඔබ්බට සටන් කලාවෙන් කලඑළි බැසි කතුන් ගැන කතා බහක් ඇතිවී නැත. එහෙත් ඒදඬුවාවේ පුංචි මැණිකේට පෙරද ඇගෙන් පසුවද දේශීය සටන් කලාවේ ගමන් මඟ තුළ ලාංකේය කතුන්ට විවිධ වූ සටන් ක‍්‍රම නුහුරු නුපුරුදු නොවීය. අදද එදාද දේශීය සටන් කලාවේ කෙළ පැමිණි කතුන් සිටියත් ඔවුන්ගේ කලඑළි බැස්මක් සිදුවන්නේ නම් ඒ ඉතාමත් කලාතුරකිනි.
එහෙත් මේ මොහොතේ නූතන සමාජ වටපිටාව තුළ කාන්තාව අනාරක්ෂිත වීම තුළම ඇයට යම් වූ ආත්මාරක්ෂක සටන් කලාවක් හෝ ප‍්‍රගුණ කිරීමට කාන්තාවන්ට හැකියාවක් ලැබේ නම් එයද මේ මොහොතේ ඇයට එල්ලවන පීඩනයන්ගෙන් ගැලවීමට යම් සහනයක් වනු ඇත.
ශ‍්‍රී ලංකා පාරම්පරික දේශීය සටන් කලා සංගමය විසින් කාන්තාවන් උදෙසා ලබා දෙන්නාවූ ආත්මාරක්ෂක සටන් ශිල්පය හා උපක‍්‍රමයක් පිළිබඳ වැඩිදුර විමසනු වස් එහි සම්බන්ධීකාරක පියුමාල් එදිරිවීර මහතා ‘රන්දිව’ අප හා සම්මුඛ විය.
‘ඇත්තටම අපි මේ ශිල්පය හොඳින් දන්න කියන අය. ඒ වුණත් අපේම සහෝදර සහෝදරියෝ එදිනෙදා මහපාරෙදි අතවරයට ලක්වෙනවා. ඒ නිසා අපිට මොනවද කරන්න පුළුවන් කියලා අපි හිතලා බැලූවා. ඇත්තටම මේ අංගම් පොර සටන් කලාවේ බලවත් උපක‍්‍රම තියෙනවා. ඒවා තුළින් පහසුවෙන්ම විපත්වලින් ගැලවන්න පුළුවන්. ගොඩක් ගෑනු අය මේ වගේ කරදරයකදී ඉක්මනට බය වෙනවා. කලබල වෙනවා. ඒක නිසා අපරාධකාරයෙක්ට පුළුවන් තමන්ගෙ ග‍්‍රහණය වැඩි කරන්න. එතකොට ගෑනු අයට මුකුත් කරගන්න බැරි වෙනවා. ඒ නිසා අපි මෙතැනදී මුලින්ම කරන්නේ කරදරයකදී මූණ දෙන්න  ඕනේ විදියට, බය නැති කරගන්න  ඕනෙ විදියට මනස හදන එකයි’
එලෙසින් කාන්තාවන්ගේ මනස සවිමත් කිරීමෙන් විපතෙන් ගැලවීමේ මඟ ඔවුන් විසින් පෙන්වාදෙනු ලබන අතරම පහසුවෙන් විපත්තීන් වලින් ගැලවී යා හැකි මඟද ඔවුන්ගේ පාඨමාලාවේ ඇතුළත්ය.
‘දැන් මේ සටන් සාස්තරේ තියෙනවා බොහොම පහසු ඒත් බලවත් ක‍්‍රම. ඒවායින් ලෙහෙසියෙන්ම අපරාධකාරයෙක් මෙල්ල කරගන්න පුළුවන්. අපි හිතමුකො ගෑනු ළමයෙක් පාරේ යද්දී කවුරුහරි එක් අතකින් තදින් අල්ලගත්තා කියලා. අපිට ලෙහෙසියෙන්ම ගැලවෙන්න ක‍්‍රමයක් තියෙනවා. ඒ තමයි අපේ අනිත් අත නිදහස්නෙ. අපේ නිදහස් අතින් අර අපේ අත තදින් අල්ලගෙන ඉන්න කෙනාගේ අතේ සුළැඟිල්ල අනිත් පැත්තට හරවන්න පුළුවන්. ඒ විදිහට ලෙහෙසියෙන්ම ඒ වගේ කරදරවලින් ගැලවෙන්න පුළුවන්’
අංගම්පොර සටන් කලාවට මූලික වශයෙන්ම නිල හා නාඩි පද්ධති ආශ‍්‍රිත සටන් කලාවන්ද ඇතුළත්ය. යම් විපතකදී කාන්තාවන්ට ඒ ආශ‍්‍රිත උපක‍්‍රමයන්ගෙන්ද සිය ආත්මාරක්ෂාව සලසා ගැනීම අපහසු නොවන බව පියුමාල් එදිරිවීර මහතාගේ අදහසයි.
‘අපි හිතමු කවුරුහරි ඉස්සරහින් ඇවිත් බෙල්ල මිරිකනවා කියලා. කෙනෙක්ගෙ බෙල්ලේ උගුරු දණ්ඩට යටින් වක් ගැහුණු තැනක් තියෙනවනේ, එතැන තියෙනවා නිලයක්. එනිසා එතැනට බොහොම වැරෙන් ඇඟිල්ලෙන් ඇන්නොත් ඒ කෙනාට කැස්ස ඇති වෙනවා. මේ හරහා බෙල්ල මිරිකන්න ගන්නා උත්සහයන්ගෙන් පහසුවෙන්ම බේරෙන්න පුළුවන්. තව පිරිමි කෙනෙක්ගෙ තොලත් නහයත් අතර ප‍්‍රදේශයට තදින් පහරක් වැදුණොත්  ඕනෑම ශක්තිමත් කෙනෙක් දුර්වල වෙනවා. මොකද එතැන අපේ ශරීරයේ ගොඩක් සෙන්සිටිව් තැනක්. ඒ වගේම යටිතල්ල ප‍්‍රදේශයට තදින් පහරක් එල්ල කළොත් කෙනෙක්ව අඩපණ කරන්න පුළුවන්. මේ වගේ දේවලට ලොකු ශක්තියක් අවශ්‍ය නෑ. අවශ්‍ය වෙලාවට ක‍්‍රියාත්මක වෙලා බය නැතිව මේ විදිහට මුහුණ දුන්නොත් මේ වගේ විපත්වලින් කාන්තාවන්ට පහසුවෙන්ම ගැලවෙන්න පුළුවන්.
ඒ වගේම අපි දන්න දෙයක් තමයි ගොඩක් ගෑනු ළමයි පාවිච්චි කරන්නෙ හයි හීල්ස්නෙ. පිටිපස්සෙන් කෙනෙක් පහර දෙනවා නම් මේ හීල් එකෙන් කකුලේ මහපටඟිල්ලට අනින්න පුළුවන්. අපේ මහපට ඇඟිල්ලට උඩින් නිලයක් තියෙනවා. මේ නිලයට ඇන්නාම  ඕනෑම කෙනෙක් අඩපණ වෙනවා.
ඒ වගේම කනට හොඳින් අතදිග හැරලා ගැහුවම කෙනෙක්ව අඩපණ කරන්න පුළුවන්. එතැනදී කනට ගහනවා කියලා අපි හඳුන්වන්නෙ කම්මුලට ගැසීම නෙවෙයි. කන එල්ල කරලා පහර ගැසීම. මේ වගේ පහසු උපක‍්‍රමයන් මේ කලාවේ තියෙනවා. ඒ වගේ දේවලින් වැඩි වෑයමක් නොකරම කෙනෙක්ට කරදරයකින් බේරෙන්න පුළුවන්’
මෙම සටන් කලා සංගමය ගොඩනැංවී ඇත්තේ ගුරුකුල හතකින් පැවතීගෙන ආ ගුරුවරුන් සත්දෙනකුගෙනි. මුල්ගුරු රියන්සි වික‍්‍රමසිංහ වෙදමහතා, සරණපාල පෙරේරා ගුරුතුමා, පේ‍්‍රමසිරි මාලිම්බඩ ආරච්චි ගුරුතුමා, සුනිමල් ප‍්‍රනාන්දු ගුරුතුමා, සුසන්ත වෙත්තසිංහ ගුරුතුමා, අතුල නන්දන ගුරුතුමා සහ දයානන්ද කාර්තුහේවා ගුරුතුමා යන ගුරුවරුන්ගේ මූලිකත්වයෙන් ශ‍්‍රී ලංකා පාරම්පරික දේශීය සටන් කලා සංගමය පවත්වාගෙන යන අතර ශ‍්‍රී ලංකාවට අමතරව ස්විස්ටර්ලන්තයේ හා ජර්මනියේද ඔවුන්ගේ ශාඛාවන් පවත්වාගෙන යති.
ඔවුන්ගේ අරමුණ වනුයේ දේශීය සටන් ක‍්‍රමයන් මුදල් උපයනා ව්‍යාපාරයන් වී ඇති මොහොතක කුඩා දැරියන්ට, මවුවරුන්ට, සහෝදරියන්ට ඇතුළු සියලූ කාන්තාවන්ට ආත්මාරක්ෂාව උදෙසා සවියක් වෙමින් දේශීය සටන් ශිල්පය හා එහි උපක‍්‍රමයන් යොදා ගැනීමයි. එහිදී අංගම් සටන් කලාවේ සිරිත් විරිත්වලට හානි නොවන සේ යම් යම් ප‍්‍රතිපත්තීන් මත හිඳිමින් මෙම කටයුතු මෙහෙයවන බවද ඔහු අප හා පැවසීය.
මේ වනවිටත් ඔවුන් සමගින් එක්ව සිටිනා දිරිය කතුන් 15ක් අංගම් උපක‍්‍රමයන් සිය දිවියට එක් කරගනිමින් සිටියි.
එලෙසින් හෝ හෙට දිනයේ මවුවරුන්ට, දියණියන්ට නිදහසේ මහමඟ යන්නට, සමාජයේ සුවසේ වෙසෙන්නට හැකි ලොවක් ගොඩනැගේ නම් සළෙලූන්ට ගොදුරු සියලූ කාන්තාවන් වෙනුවෙන් ලෝකයක් හෙළුෑ සුසුම් කඳුළුවලට සාධාරණයක් එක්වෙනු ඇත.

රසිකා රාජපක්‍ෂ
ජායාරුපය අන්තර්ජාලයෙන්